Құпиялылық саясаты

v1 редакциясы

1 Жалпы ережелер

1.1. Дербес деректер операторы «OneBonus» ЖШС, БСН 260640033119, орналасқан жері: Қазақстан Республикасы, Алматы қаласы, Алатау ауданы (бұдан әрі — Оператор) болып табылады.

1.2. Дербес деректер субъектісі — Қолданбаны пайдаланушы жеке тұлға (бұдан әрі — Пайдаланушы).

1.3. Саясат Қолданбаның жұмыс істеуіне байланысты Оператор өңдейтін барлық дербес деректерге қолданылады және Серіктестердің өз ақпараттық жүйелерінде дербес жүзеге асыратын дербес деректерді өңдеуіне, сондай-ақ Қолданбада сілтемелері болуы мүмкін бөгде сервистер мен сайттардың иелеріне қолданылмайды.

1.4. Саясаттың қолданыстағы редакциясы Қолданбада орналастырылады және Пайдаланушыға дербес деректерді өңдеуге келісім бергенге дейін қолжетімді болады.

2 Өңделетін дербес деректердің санаттары

2.1. Оператор Пайдаланушы беретін мынадай дербес деректерді өңдейді:

• 2.1.1. кіру кезінде сәйкестендіргіш ретінде пайдаланылатын абоненттік құрылғы нөмірі (ұялы телефон нөмірі);
• 2.1.2. Пайдаланушының аты;
• 2.1.3. Пайдаланушының қалауы бойынша — туған күні, электрондық пошта мекенжайы, сурет (профиль фотосуреті) және профильде көрсетілген өзі туралы мәліметтер.

2.2. Оператор Қолданбаны пайдалану кезінде қалыптасатын мынадай деректерді өңдейді:

• 2.2.1. операциялар туралы мәліметтер: расталған операциялардың күні мен уақыты, есептелген Мөрлер, берілген және пайдаланылған Сыйақылар, Бағдарламаларға қатысу, таңдаулы мекемелер тізбесі;
• 2.2.2. қолдау қызметіне жолданған өтініштердің және олар бойынша хат алмасудың мазмұны, оның ішінде Пайдаланушы көрсеткен өтініш тақырыбы мен Қолданба нұсқасы;
• 2.2.3. техникалық мәліметтер: құрылғы үлгісі, операциялық жүйенің түрі мен нұсқасы, Қолданба нұсқасы, push-хабарламаларды жеткізуге арналған құрылғы сәйкестендіргіші, IP-мекенжай, авторизация күні мен уақыты;
• 2.2.4. құрылғының орналасқан жері туралы деректер — мекемелерді картада көрсету функциясын пайдалану сәтінде ғана және Пайдаланушы құрылғы баптауларында берген рұқсат болған кезде ғана өңделеді. Орналасқан жер туралы деректер фондық режимде жиналмайды, рұқсат беруден бас тарту Қолданбаның өзге функцияларына қолжетімділікті шектемейді.

2.3. Оператор дербес деректердің арнайы санаттарын, оның ішінде нәсілдік және ұлттық шығу тегі, саяси көзқарастары, діни нанымдары, денсаулық жағдайы туралы мәліметтерді, сондай-ақ биометриялық дербес деректерді жинауды және өңдеуді жүзеге асырмайды.

3 Дербес деректерді өңдеу мақсаттары

3.1. Дербес деректерді өңдеу мынадай мақсаттарда жүзеге асырылады:

• 3.1.1. Пайдаланушы келісімін жасасу және орындау, Пайдаланушыны тіркеу және оның кіруін Бір реттік код арқылы растау;
• 3.1.2. Пайдаланушының Бағдарламаларға қатысуын есепке алу, Мөрлерді есептеу, Сыйақыларды беру және операциялар тарихын көрсету;
• 3.1.3. Серіктестердің мекемелерін, оның ішінде Пайдаланушының маңында орналасқандарын көрсету;
• 3.1.4. Пайдаланушының өтініштерін қарау және олар бойынша кері байланыс;
• 3.1.5. Пайдаланушы келісімінің орындалуына байланысты сервистік хабарламалар мен хабарландырулар жіберу;
• 3.1.6. жарнамалық және маркетингтік хабарламалар жіберу — Пайдаланушының жеке келісімі болған кезде;
• 3.1.7. ақпараттық қауіпсіздікті қамтамасыз ету, теріс пиғылды әрекеттер мен алаяқтықтың алдын алу және оларды анықтау;
• 3.1.8. Қолданбаның функционалын жақсарту және статистикалық есептілік қалыптастыру — иесіздендірілген түрде;
• 3.1.9. Қазақстан Республикасының заңнамасында Операторға жүктелген міндеттерді орындау.

3.2. Дербес деректерді осы бөлімде көрсетілгендермен үйлеспейтін мақсаттарда өңдеу жүзеге асырылмайды. Оператор Пайдаланушы үшін құқықтық салдар туғызатын шешімдерді тек дербес деректерді автоматтандырылған өңдеу негізінде қабылдамайды.

4 Өңдеудің құқықтық негіздері

4.1. Дербес деректерді өңдеудің құқықтық негіздері мыналар болып табылады:

• 4.1.1. «Келісім беру және оны кері қайтарып алу тәртібі» бөлімінде көзделген тәртіппен берілген Пайдаланушының дербес деректер субъектісі ретіндегі келісімі;
• 4.1.2. Пайдаланушы тарапы болып табылатын Пайдаланушы келісімін жасасу және орындау үшін өңдеудің қажеттілігі;
• 4.1.3. субъектінің келісімінсіз дербес деректерді өңдеуге Қазақстан Республикасының заңнамасы жол беретін жағдайлар.

5 Келісім беру және оны кері қайтарып алу тәртібі

5.1. Дербес деректерді жинауға және өңдеуге келісімді Пайдаланушы электрондық нысанда конклюденттік әрекет жасау — Қолданбаға кіру экранында Бір реттік кодты сұрау арқылы береді. Осы Саясат пен Пайдаланушы келісімінің мәтіндері көрсетілген әрекет жасалғанға дейін Пайдаланушыға сол экранда қолжетімді болады. Келісім осындай сұрау жіберілген сәтте берілген деп есептеледі; Оператор дербес деректерді өңдеуді осы сәттен ерте бастамайды. Бір реттік кодты кейіннен енгізу абоненттік құрылғы нөмірінің Пайдаланушыға тиесілігін растайды және дербес келісім болып табылмайды.

5.2. Келісім осы Саясаттың шарттарында беріледі және мынадай мәліметтерді қамтиды:

• 5.2.1. дербес деректерді жинауды және өңдеуді жүзеге асыратын оператор — «OneBonus» ЖШС, БСН 260640033119, Қазақстан Республикасы, Алматы қаласы, Алатау ауданы;
• 5.2.2. дербес деректер субъектісі — тіркелу кезінде көрсетілген абоненттік құрылғы нөмірі және профиль мәліметтері бойынша сәйкестендірілетін Пайдаланушы;
• 5.2.3. жиналатын дербес деректер тізбесі — «Өңделетін дербес деректердің санаттары» бөлімінде айқындалған;
• 5.2.4. жинау және өңдеу мақсаттары — «Дербес деректерді өңдеу мақсаттары» бөлімінде айқындалған;
• 5.2.5. дербес деректерді үшінші тұлғаларға беру — «Дербес деректерді үшінші тұлғаларға беру» бөлімінде айқындалған көлемде және шарттарда жүзеге асырылады;
• 5.2.6. дербес деректерді трансшекаралық беру — «Дербес деректерді трансшекаралық беру» бөлімінде айқындалған шарттарда жүзеге асырылады;
• 5.2.7. дербес деректерді жалпыға қолжетімді көздерде тарату — жүзеге асырылмайды;
• 5.2.8. келісімнің қолданылу мерзімі — Есептік жазбаның қолданылу мерзімі және «Сақтау мерзімдері және дербес деректерді жою» бөлімінде айқындалған сақтау мерзімі ішінде не Пайдаланушы келісімді кері қайтарып алғанға дейін.

5.3. Келісім алудың фактісі мен сәті Есептік жазбаны тіркеу туралы мәліметтермен — абоненттік құрылғы нөмірімен, тіркеу күні мен уақытымен — расталады, олар келісімнің қолданылу мерзімі ішінде Оператордың ақпараттық жүйесінде сақталады.

5.4. Жарнамалық және маркетингтік хабарламалар алуға келісім Қолданбаның «Аккаунт» бөліміндегі тиісті баптау арқылы бөлек беріледі және кез келген уақытта дәл сол тәсілмен кері қайтарылып алынуы мүмкін. Мұндай келісімді кері қайтарып алу Қолданбаның өзге функцияларын пайдалану мүмкіндігіне әсер етпейді.

5.5. Пайдаланушы Операторға өтініш жіберу арқылы дербес деректерді жинауға және өңдеуге келісімін толық көлемде кері қайтарып алуға құқылы. Келісімді кері қайтарып алу өңдеудің тоқтатылуына және Есептік жазбаның жойылуына әкеп соғады, Қазақстан Республикасының заңнамасына сәйкес Оператор үшін өңдеу және сақтау міндетті болып табылатын дербес деректер бұған кірмейді. Келісімді кері қайтарып алу оны Оператор алғанға дейін жүзеге асырылған өңдеуге қолданылмайды.

6 Дербес деректерді үшінші тұлғаларға беру

6.1. Оператор тиісті Бағдарламаны ұйымдастыратын Серіктеске Пайдаланушының дербес деректерін осы Бағдарламаны іске асыру үшін қажетті көлемде береді: аты, профиль суреті, туған күні және Пайдаланушы көрсеткен болса, өзі туралы мәліметтер, сондай-ақ осы Бағдарлама шеңберіндегі Мөрлер, Сыйақылар мен операциялар туралы мәліметтер және солардың негізінде есептелген көрсеткіштер. Пайдаланушының телефон нөмірі және өзге Серіктестердің Бағдарламаларына қатысуы туралы мәліметтер Серіктеске берілмейді.

6.2. Оператор дербес деректерді өңдеуге Қолданбаның жұмыс істеуі үшін қажетті қызметтерді көрсететін үшінші тұлғаларды (өңдеушілерді) тартады:

• 6.2.1. байланыс операторлары және хабар алмасу сервистерінің провайдерлері — Бір реттік кодтарды SMS және WhatsApp арқылы жеткізу үшін;
• 6.2.2. Google LLC — Firebase Cloud Messaging push-хабарламаларды жеткізу сервисі (Android құрылғыларында және жалпы хабарламаларды жеткізу кезінде);
• 6.2.3. Apple Inc. — Apple Push Notification service push-хабарламаларды жеткізу сервисі (iOS құрылғыларында);
• 6.2.4. CARTO — карта кескіндерін жеткізуші (OpenStreetMap деректері негізінде): мекемелерді картада көрсету кезінде кескіндер оның серверлерінен жүктеледі, соған байланысты оған Пайдаланушы құрылғысының IP-мекенжайы қолжетімді болады. Пайдаланушы, оның Есептік жазбасы және операциялары туралы мәліметтер аталған жеткізушіге берілмейді;
• 6.2.5. бұлттық инфрақұрылым провайдері — Оператордың ақпараттық жүйесін орналастыру, деректерді сақтау және өңдеу үшін.

6.3. Қолданбада бөгде веб-аналитика сервистері мен жарнамалық трекерлер пайдаланылмайды. Дербес деректерге қолжетімділік алатын жаңа тұлғалар тартылған кезде осы бөлімге мұндай беру басталғанға дейін тиісті өзгерістер енгізіледі.

6.4. Үшінші тұлғаларды тарту дербес деректерді тек Оператор айқындаған мақсаттарда өңдеуді, сондай-ақ олардың құпиялылығы мен қорғалуын қамтамасыз ету міндетін көздейтін шарттар негізінде жүзеге асырылады.

6.5. Дербес деректер мемлекеттік органдар мен лауазымды адамдарға Қазақстан Республикасының заңнамасында көзделген жағдайларда, көлемде және тәртіппен, тиісінше ресімделген сұрау салулар негізінде беріледі.

6.6. Оператор дербес деректерді сатуды жүзеге асырмайды және оларды үшінші тұлғаларға өз жарнамалық мақсаттарында пайдалану үшін бермейді.

7 Дербес деректерді трансшекаралық беру

7.1. Оператор «Дербес деректерді үшінші тұлғаларға беру» бөліміне сәйкес тартатын жекелеген сервистер Қазақстан Республикасының шегінен тыс жерде орналасқан, соған байланысты дербес деректерді өңдеу олардың трансшекаралық берілуімен қатар жүруі мүмкін.

7.2. Трансшекаралық беру дербес деректердің қорғалуын қамтамасыз ететін шет мемлекеттердің аумағында, «Дербес деректерді өңдеу мақсаттары» бөлімінде көрсетілген мақсаттарға қол жеткізу үшін қажетті көлемде және Қазақстан Республикасы заңнамасының талаптарын сақтай отырып жүзеге асырылады.

7.3. Осы Саясатты қабылдай отырып, Пайдаланушы өз дербес деректерін осы бөлімде көзделген шарттарда трансшекаралық беруге келісім береді.

8 Сақтау мерзімдері және дербес деректерді жою

8.1. Дербес деректер Пайдаланушының Есептік жазбасының қолданылу мерзімі ішінде өңделеді және сақталады.

8.2. Есептік жазба жойылған не келісім кері қайтарылып алынған жағдайда дербес деректер тиісті талап алынған күннен бастап 30 (отыз) күнтізбелік күн ішінде жойылуға немесе иесіздендірілуге жатады, сақтау мерзімі Қазақстан Республикасының заңнамасында белгіленген деректер бұған кірмейді. Есептік жазбаны жою туралы талап Қолданба құралдарымен жіберіледі: «Профиль» → «Аккаунт» → «Аккаунтты жою».

8.3. Пайдаланушыны сәйкестендіруге мүмкіндік бермейтін иесіздендірілген деректерді Оператор статистикалық және талдамалық мақсаттарда мерзімді шектеусіз сақтауы және пайдалануы мүмкін.

9 Дербес деректерді қорғау шаралары

9.1. Оператор дербес деректерді құқыққа сыйымсыз қолжетімділіктен, өзгертуден, таратудан және жоюдан қорғау үшін қажетті құқықтық, ұйымдастырушылық және техникалық шараларды қабылдайды, оның ішінде:

• 9.1.1. Қолданба мен Оператордың ақпараттық жүйесі арасындағы деректерді беру арналарын шифрлау;
• 9.1.2. қолданылу мерзімі шектеулі Бір реттік кодтар мен динамикалық QR-кодтарды пайдалану;
• 9.1.3. қызметкерлердің дербес деректерге қолжетімділік құқықтарын шектеу және қолжетімділік журналдарын жүргізу;
• 9.1.4. деректердің сақтық көшірмесін жасау және тұтастығын бақылау.

9.2. Дербес деректерді қорғаудың бұзылуы олардың құқыққа сыйымсыз жария етілуіне әкеп соққан жағдайда Оператор Пайдаланушыны және уәкілетті органды Қазақстан Республикасының заңнамасында белгіленген тәртіппен және мерзімдерде хабардар етеді.

10 Пайдаланушының дербес деректер субъектісі ретіндегі құқықтары

10.1. Пайдаланушы құқылы:

• 10.1.1. Операторда өзінің дербес деректерінің бар-жоғы туралы, сондай-ақ оларға қолжетімділік шарттары туралы ақпарат алуға;
• 10.1.2. тиісті мәліметтермен расталған негіздер болған кезде дербес деректерді өзгертуді және толықтыруды талап етуге;
• 10.1.3. дербес деректерді өңдеу шарттарының бұзылғаны туралы мәліметтер болған кезде оларды бұғаттауды талап етуге;
• 10.1.4. Қазақстан Республикасының заңнамасын бұза отырып өңделетін дербес деректерді жоюды талап етуге, бұрын берілген келісімді кері қайтарып алуға, сондай-ақ Есептік жазбаны Қолданба құралдарымен жоюға;
• 10.1.5. өзінің дербес деректері берілген үшінші тұлғалар туралы мәліметтер алуға;
• 10.1.6. Оператордың әрекеттеріне (әрекетсіздігіне) дербес деректерді қорғау жөніндегі уәкілетті органға немесе сотқа шағымдануға.

10.2. Атын, туған күнін, профиль суретін және байланыс деректерін өзгертуді Пайдаланушы Қолданбаның «Аккаунт» бөлімінде өз бетінше жүзеге асырады.

10.3. Өзге құқықтарды іске асыру үшін Пайдаланушы «Көмек және қолдау» бөлімі арқылы не support@onebonus.app электрондық пошта мекенжайы бойынша өтініш жібереді. Өтініш Қазақстан Республикасының заңнамасында белгіленген мерзімдерде қаралады.

11 Қорытынды ережелер

11.1. Оператор осы Саясатқа өзгерістер енгізуге құқылы. Жаңа редакция Қолданбада орналастырылады және редакцияның өзінде өзгеше көзделмесе, орналастырылған сәттен бастап күшіне енеді.

11.2. Пайдаланушының құқықтарын елеулі түрде қозғайтын өзгерістер туралы Оператор Қолданба не push-хабарлама арқылы хабарлайды.

11.3. Осы Саясатпен реттелмеген мәселелер Қазақстан Республикасының заңнамасына сәйкес шешіледі.

12 Оператордың деректемелері

12.1. Атауы: «OneBonus» ЖШС.

12.2. Бизнес-сәйкестендіру нөмірі (БСН): 260640033119.

12.3. Орналасқан жері: Қазақстан Республикасы, Алматы қаласы, Алатау ауданы.

12.4. Оператордың толық заңды мекенжайы Бизнес-сәйкестендіру нөмірлерінің ұлттық тізілімінде қамтылған және төменде көрсетілген электрондық пошта мекенжайына жіберілген сұрау бойынша беріледі.

12.5. Банктік деректемелері: «Қазақстан Халық Банкі» АҚ-дағы ЖСК KZ43601A861088867131, БСК HSBKKZKX, КБе 17, шот валютасы KZT.

12.6. Өтініштерге арналған электрондық пошта мекенжайы: support@onebonus.app.

12.7. Өтініштер Қолданбадағы «Көмек және қолдау» бөлімі арқылы да қабылданады.